Wannwl! Mae hi wedi bod yn boeth! Yr wythnos ddiweddaf, unwaith eto, cyhoeddwyd Porthmadog (15 milltir o’r coed) fel y lle poethaf ym Mhrydain. Ond mae gennym yr ateb: mynd am dro yn y goedwig. Os ydych chi’n rhy bell o Foduan i gerdded yn ein coedwig hyfryd, ewch o hyd i un arall – oherwydd mae’r tymheredd mewn coetir yn sylweddol is nag ydyw ar dir cyfagos sydd heb coed.

(more…)

Mae’n Wanwyn! Mae’r nosweithiau’n mynd yn fyrrach a’r haul yn codi’n uwch yn yr awyr bob dydd, gan oleuo lleoedd sydd wedi bod dan gysgod am y chwe mis diwethaf, gan ddod a golau a bywyd a llawenydd. Nid yw mis Mawrth yn mynd allan fel oen ond nid oes gan y gwynt sy’n chwythu trwy’r coed ddannedd rhewllyd mwyach. Neu ddim heddiw o leiaf!

(more…)

Mae’n amser dathlu! Croeso i’r haul sy’n dychwelyd! O ddydd Mercher ymlaen mae’r dyddiau’n mynd yn hirach! Mae’r adar wedi dechrau canu eto, mae’r dryw bach – Brenin y Gaeaf, yn ôl llên gwerin – i’w weld yn hercian i mewn ac allan o bentyrrau o foncyffion, a’r robin goch mor niferus, siriol a chyfeillgar ag erioed.

(more…)

‘Rwyf bob tro’n teimlo braidd yn drist ar Gyhydnos yr Hydref; trist y bydd y nosweithiau’n hir am chwe mis cyfan; trist nad yw’r heulwen a welwn yn dod a’r cynhesrwydd yr oeddem wedi’i fwynhau. Ond mae yna fuddion, yn enwedig yr hydref hwn, sy’n gyfnod cyffrous iawn i Coedwig Boduan.

(more…)

Mae hi wedi bod mor sych yn y coed yr haf hwn, mae’r ddaear fel concrit o dan yr uwchbridd tywyll cyfoethog. Dwi erioed wedi gweld y nant mor isel. Ond o leiaf mae gennym ni nant ac mae’n dal i redeg, felly mae gennym ni ddwr. Ac mae’n rhaid bod dwr yn y ddaear, oherwydd mae’r coed, y rhedyn a’r mieri yn parhau i fod mor ogoneddus o wyrdd, gan amsugno’r heulwen. (more…)

Roedd mis Mawrth yn fis euraidd. Heulwen euraidd – torri record, yn ol y Swyddfa Dywydd – cennin pedr euraidd, llym y llygad, dant llew, briallu – wel, mwy o lemwn nag aur ond siawns na fyddwch chi’n caniatau ychydig o drwydded farddonol? (more…)

Croeso i gylchlythr cyntaf 2022! Mae Ionawr bron ar ben a ‘rwyf mor hapus i weld arwyddion o’r gwanwyn o’r diwedd! Mae’n cynyddu’n raddol o hyn ymlaen: bydd dail ifanc ffres y gwyddfid yn cysylltu â dail baban y ddraenen wen a’r rhosyn, yna bydd helyg a cheirios, ac ymlaen maen’n mynd, y goedwig yn troi’n wyrdd yn raddol wrth i’r dyddiau ymestyn. Mae cynffonau’r wyn cyntaf eisoes wedi ymddangos ar yr helyg a byddwn yn gweld rhagor yn fuan. (more…)